كل شيء عن بحث الطالب وكيفية عمل البحث

اعلن وزارة التربية والتعليم يوم 2 إبريل المقبل ، التفاصيل الكاملة بشأن المشروعات البحثية المطلوبة من الطلاب بدء من صفوف الصف الرابع الابتدائي حتى الثالث الإعدادى ، تستعرض بوابة ورقة وقلم في شكل سؤال وجواب كل ما يثار بذهن الطلاب وأولياء الأمور بشأن عمل تلك الأبحاث :

س : ما هو البحث وكيف تنفذه الطلبة ؟

ج : الطالب هيفتح موقع كود الاختبارات الخاصة بالوزارة بالرقم القومى الخاص به ولكل طالب كود خاص به لكل المواد وده الرابط بتاعه http://studea.emis.gov.eg/

س : بعد الحصول علي الكود ، ماذا افعل به ؟

ج : احتفظ بالكود ده لانه هو الكود اللى الوزارة هتبعت لك الاختبارات او مشاريع بحثك عليه بعد يوم 2 ابريل

س : مطلوب مني افتح الموقع مرة اخري لمعرفة المطلوب منى فى كل مادة ؟

ج : بالضبط كدة

س : وماذا بعد ذلك ؟

ج : تشوف الاسئلة المطلوب الاجابة عنها في كل مادة اسئلتها ايه وتحاول تجاوبها فى ورق عادى او مطبوع زى ما تحب بس بشرط عدم النقل من الاخرين او يكون جاهز من المكتبات

س : وبعد ما انتهي من البحث المطلوب فى المادة كيف اقدمه ؟

ج: هتفتح صفحتك على موقع اسمه ادمو الرابط بتاعه ده https://edmodo.org/ وهو منصة تعليمية بها صفحة لكل طالب هتدخلها بالرقم القومى بتاعك برضه

نرشحننشر المواعيد المحتملة لاجراء الامتحانات بالجامعات لك:

س : موقع اخرغير موقع الاكواد؟؟

ج : ايوة بالضبط كدة

س: بعد ما افتح هذا الموقع وافتح صفحتى عليه اعمل ايه ؟

ج: هترفع البحث بتاعك بصيغة ورد WORD او بى دى افPDF على المنصة الالكترونية

س : مذا تعني كلمة ارفعه على المنصة ؟

ج : يعنى انت هتكتبه فى الكمبيوتر عادى كانك بتكتب اى ورقة وهتعملها حفظ على سطح المكتب مثلا باسم اختبار رياضيات وبعد ما تفتح موقع ادمو هتدخل على صفحك هتلاقى فى رمز او ايكونة عليها رفع الملفات ( او تحميل ملفات ) هتضغط عليها هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق هيترفع معاك الملف ويقولك تم التاكيد

س : هل هذا كل شيء ؟؟

ج : ايوة بس انت كدا انهيت عمل بحث مادة واحدة هتعمل نفس الكلام مع باقى ابحاث باقى المواد المطلوب منك ابحاث فيها

س : متي تظهر النتيجة ؟
ج: لا طبعا لسه المعلمين هيدخلوا على المنصة الالكترونية ويشوفوا كل بحث من ابحاث الطلبة بتوعه

س ماذا يحدث اذا كان ليس لدي نت ولا املك الخبرة الكافية في التعامل مع المواقع ؟

ج: الوزارة بتسهل عليك الموضوع وبتقولك مدام كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها

س : افترض مثلا انني لم اقدم الابحاث ماذا يحدث ؟؟

ج: هتضطر تيجى قبل زمايلك السنة الجاية باسبوعين قبل الموعد الرسمى للدراسة علشان تمتحن وإلا الوزارة هتعتبرك راسب وتعيد السنة

س : متي تنتهي مدة تقديم الابحاث ؟

ج : معاك شهر ونصف يعنى لحد 15/5/2020 م

س : هل الاختبار فى المنهج كله ؟

ج : طبعا لا الوزارة قالت الاختبارات فى المنهج لحد 2020/3/15 م بس يعنى اللى بعد كدة مالكش دعوة بيه

س : ما نوع الاسئلة ؟